Lítes comunales: a Corvara i jüc é bele fac, a Badia na sfida a trëi

Ai 20 y 21 de setëmber saral da lité danü i ombolc y i consëis de Comun. A Badia la sfida (plö interessanta) por le post de capocomun sará tra Manfred Canins, Christian Pedevilla y Iaco Frenademetz. A Corvara, indere, le candidat é un su. Y an sá ince chi che ruvarà te consëi.

Al mancia pűch plö de n mëis ales lítes comunales. Y la competiziun mët man bel plan da se scialdé. Tla Val Badia la sfida forsc plö interessanta sará chëla tl Comun de Badia. Trëi é chilò i candidac por le scagn da pröm zitadin: Manfred Canins, 58 agn, por 25 diretur dl’Assoziaziun Turistica Badia y dl Consorz Turistich Alta Badia; consulënt de marketing turistich por raiuns tles Dolomites y ince foradecá. Che á n program che ciara al sozial mo ò daidé dűtes les categories, dai paurs cina ai ostis cun “vijiuns amples y intervënc concrec”. Iaco Frenademetz, 72 agn, da 10 agn incá capocomun, da 30 tl aministraziun comunala, che spliga de “avëi ligrëza y motivaziun cun so mandat che al desfira desco n laur a tëmp plëgn”. Y l’avocat Christian Pedevilla, 48 agn da La Ila, cun la lista zivica “Por Dűc”. Ales lites – zënza n candidat a ombolt – ince “Deburiada”.

I candidac dla lista “Manfred Canins Ombolt”

Manfred Canins.

Les aspetatives é granes por chësta lista nöia. Manfred Canins é le candidat a ombolt. Laprò él ince: Michele Bajetti; Susi Canins; Klaus Fistill; Michela Fistill; Jessica Flöss; Raimund Irsara; Urban Irsara; Philipp Lerchegger; Sara Pescollderungg; Hildegard Pitscheider; Egon Ploner; Martha Tavella; Walter Valentin; Markus Valentini; Enrico Zona.

I candidac dla lista “Deburiada”

Indó ala pert – ince en chësc iade – é la lista “Deburiada”. Dl 2015 ára arjunt 7 mandac. A ce dla lista zivica él l’assessur atual ai laurs publics Thomas Pescollderungg. Ala pert él spo ciamó Werner Pescosta; Elmar Castlunger; Elide Mussner Pizzinini; Emanuel Gravino; Daniele Irsara; Gertrud Crazzolara; Emerich Pedratscher; Günther Fistill.

I candidac dla lista “Badia-La Ila-San Ciascian”

Iaco Frenademetz.

Tles ultimes listes (dan cin agn) ê Iaco Frenademetz gnű confermé ombolt cun le 48,8% dles usc (920 indöt), dan a Marina Rubatscher Crazzolara, che ê romagnüda cun 571 usc al 30,3%. “Cun l’aiüt de Chel Bel Dî m’ la conforti bel’ sëgn da podëi lauré inant cun continuité a bëgn dl Comun y di zitadins” scri Iaco Frenademetz tl profil Facebook. I atri candidac sön lista: Aldo Bernardi; Emanuela Canins Thaler; Lukas Castlunger; Bernardette Crazzolara Castlunger; Edit Dapoz Valentini; Emanuel Delmonego; Andreas Eisenstecken; Norbert Frenademez; Deborah Gabrielli; Kevin Granruaz; Marco Granruaz; Irene Pedratscher; Sefan Piccolruaz; Klaus Planinscheck; Daniela Valentin.

I candidac dla lista zivica “Por Dűc”

Christian Pedevilla.

N ater müs nü tl scenar politich local é chël de Christian Pedevilla da La Ila, de profesciun avocat, che se candidëia por le scagn da ombolt. Ala pert él ince: Elvis Burchia; Lucia Cirella Kostner; Roland Flöss; Ivan Granruaz, Hubert Granruaz; Mattia Mati Irsara; Dietrich Pescoller; Renhold Pescoller; Albert Pizzinini; Augusto Gusto Pizzinini; Florian Rottonara; Andrea Ties; Manuel Valentin; Annegret Vescoli Pezzedi; Anita Vittur.

A Corvara? Na lista sora (SVP) y n candidat a ombolt su

Robert Rottonara.

Nia de nü tl Comun de Corvara-Calfosch. Le candidat a capocomun por i proscims cin agn sará Robert Rottonara. Öna sora é la lista, sot le blasun dla SVP y cun la scrita “Calfosch Corvara Pescosta”. La lista á 15 candidac y vignun ruvarà te consëi de comun. Robert Rottonara sarà ince indó ombolt. Chisc i candidac: Jouk Oberbacher; Harald Alfreider; Stevan Costa; Arianne Alfreider; Iwan Costamoling: Francesco Kostner; Romeo Costa; Silvia Kostner; Elias Pezzedi; Corrado Irsara; Stefano Pezzei; Emanuel Kostner; Patrick Agreiter; Barbara Schrott.